Komunikasaun ba imprensa kona ba Tour de Timor 2018
Loron 25 Julho 2018
Loron 25 Julho 2018
Atu selebra aniversáriu Tour de Timor ba dala sanulu, AirNorth kontinua fó apoiu ba Tour de Timor, atu siklista no voluntáriu Australianu sira bele partisipa iha Tour de Timor tinan ida ne’e.
Bainhira rona patrosinadór husi AirNorth, Sekretáriu estadu Juventude no Desportu, Senor Nelio Isaac Sarmento, fó kedas apresiasaun ba AirNorth ninia kometimentu atu kontinua fó apoiu ba eventu ida ne’e: “Ha’u kontente tebes rona katak AirNorth deside ona atu tulun dala ida tan ba Tour de Timor tinan ida ne’e. Sira nia apoiu Jenerozu ida ne’e bele ha fasil siklista, voluntáriu no ofisial téknika sira bele asesu ba kustu aviaun ho deskontu, ho ida ne’e bele fó biban ba ema barak husi nasaun viziñu Australia atu mai hamutuk ho ita hodi selebra aniversáriu Tour de Timor ba dala sanulu ne’e.
Pontu fokal Tour de Timor senor Johny Guteres hateten katak “patrosinadór husi AirNorth nu’udar komponente save atu asegura susesu ba eventu ne’e. Apoiu husi AirNorth bele fó dalan ba mekániku ho klase mundiál sira bele fornese apoiu durante kompetisaun tinan ida ne’e no sira nia viajen mai Dili iha Augusto atu halo asesmentu ba bisikleta husi siklista Timor oan ne’ebé sei partisipa, asegura katak sira nia bisikleta funsiona ho di’ak atu bele kompete iha palku mundiál iha fulan Setembru. Tour de Timor ninia ofisial tékniku no ekipa kronometrajen sei halo viajen ho AirNorth mai iha eventu ne’e. Siklista ho kontinjente boot ida husi Australia sei asesu ba deskontu husi kustu billete aviaun atu halo viajen ho AirNorth husi Darwin ba períodu aventura ida ne’e. Ami fó agradese barak ba AirNorth tanba sira ninia apoiu bele promove Timor-Leste nu’udar fatin ne’ebé furak atu vizita no esplora.
Ofisial Chefe Esekutivu Airnorth senor Daniel Bowden kontente atu kontinua relasaun forte entre AirNorth ho Tour de Timor. “AirNorth envolve ona iha eventu espetakulár ida ne’e hahú kedas husi lansamentu dahuluk. Tinan-tinan ami bele kontribui ba eventu ida ne’e atu selebra; maski nune’e parseria iha tinan 2018 ne’e iha buat ida ne’ebé espesífiku tebes tantu ba eventu no AirNorth. Alende aniversáriu dala 10 ba Tour de Timor, AirNorth mós ho ninia pasu balun atu selebra tinan 40 iha area aviasaun tinan ida ne’e”.
Tour de Timor nu’udar eventu ida ne’ebé furak tebes atu atrai siklista sira husi Australia tomak no nasaun seluk. Ami iha kometimentu boot ba eventu ida ne’e tanba bele fó benefísiu pozitivu ba nasaun. La’ós de’it atu hasa’e turizmu no negósiu iha rejiaun maibé mós atu fó biban ba Timor- oan sira atu simu bainaka sira mai iha Timor-Leste hodi bele hametin relasaun internasionál no deskobre nasaun ida ne’e nia furak no trankuilidade.
Ho orgulhu AirNorth hakarak fó sponsor ba ema na’in 100 liu husi karidade kada tinan. Tour de Timor kontinua sai hanesan AirNorth ninia patrosinadór ne’ebé boot liu no ami hein atu hare eventu ida ne’ebé nakonu ho impresaun iha Fulan Setembru oin mai.
Espera katak kuaze siklista na’in 150 mak sei halai hamutuk liu husi foho sira iha rejiaun sentrál Timor-Leste nian. Kompetisaun ne’e sei hala’o entre loron 4 no 8 fulan Setembru tinan ida ne’e. Alende ida ne’e, Halai ba Dame (halai ho distánsia badak no la’ós kompetisaun ne’ebé sei involve estudante sira no partisipante Tour de Timor) sei hala’o iha Domingo, loron 2 de Setembru iha kapitál Dili.
Vizita website ofisial: www.tourdetimor.com atu hetan informasaun barak liu tan.
Atu hetan informasaun klaru kontaktu :[email protected]
Comments are closed.